Од пракса до вработување

Ја споделуваме успешната приказна на нашата драга колешка Тијана Димчевска, која по тримесечната пракса во одделот за Графички дизајн, покажа одлични перформанси, огромен талент и посветеност, што резултираше со вработување како Графички дизајнер.

 „Моето дружење со Нептун започна пред 3 месеци како практикант во одделот за графички дизајн. Во текот на овие месеци имав можност да почнам да ја градам мојата кариера како графички дизајнер и да учам од колегите, кои несебично го споделуваа своето знаење и вештини. Се трудев да научам колку што можам повеќе и да го прикажам тоа визуелно. Благодарение на ова, добив прилика да ја продолжам својата кариера како графички дизајнер во Нептун. Најмногу ми се допадна тоа што секој ден е различен и носи нови предизвици со кои постојано го збогатуваме нашето знаење.  Убаво е чувството да се работи со колегите, убаво е да се создава и гради кариера во оваа компанија и да се биде дел од една пријатна работна средина.”

Тијана Димчевска