Успешни приказни- Наташа Мишиќ

Наташа Мишиќ –Loyalty Program and Customer Finance Manager

Професионалното патување на Наташа е одраз на тоа како растот во BALFIN Group се темели на доверба, преземање одговорност и слобода за движење низ различни функции. 

Гледајќи наназад, што ве натера да ја изберете BALFIN Group и кога сфативте дека тоа е вистинската одлука?

На почетокот ме привлече стабилноста и можноста да започнам и да учам во Нептун Македонија. Но, навистина сфатив дека тоа е вистинската одлука во моментот кога видов дека мојот труд се препознава и дека имам можност да напредувам. Кога ми беа доверени нови предизвици и одговорности, знаев дека сум на вистинското место.

Како се развиваше вашето патување во текот на времето?

Моето патување во Нептун Македонија беше постепено и континуирано. Започнав во продажба, каде што изградив силна основа во работата со клиенти. Потоа преминав во одделот за наплата и кредитирање, каде што презедов поголема одговорност и развив поаналитички пристап. Работењето во различни продавници ми помогна да станам пофлексибилна. Во 2021 година направив чекор напред кон главната канцеларија, на позиција администратор за лојалти програма и финансирање, што ми овозможи поширок увид во бизнисот. Денес ја извршувам улогата Раководител на одделот за Лојалти програма, Финансирање и Управување со услуги – позиција која го одразува мојот континуиран раст во компанијата и ми овозможува да водам тимови, унапредувам процеси и придонесувам кон стратешкиот развој.

Како изгледа еден типичен работен ден на вашата позиција?

Ниту еден ден не е ист, и токму тоа ја прави работата интересна. Мојот ден е исполнет со координација, комуникација со различни тимови и следење на процесите. Понекогаш е потребна брза реакција, понекогаш подлабока анализа, но секогаш се бара посветеност и добра организација.

Кој дел од вашата работа ве инспирира или мотивира најмногу?

Најмногу ме мотивира чувството дека мојата работа има реално влијание – кога некој процес ќе се подобри, кога работата на тимот ќе стане полесна или кога клиентите ќе имаат подобро искуство. Тие мали, но значајни резултати се мојата најголема мотивација.

Можете ли да споделите момент или достигнување поради кое се чувствувавте особено гордо?

Моментот кога преминав од работа во продавница на позиција во дирекцијата на Нептун,  беше навистина посебен за мене, но преминот во мојата сегашна лидерска улога ме прави особено горда. Тоа беше доказ дека годините труд, посветеност и желба за развој носат резултати. Се чувствував гордо, но и уште повеќе мотивирано.

Што е нешто што, според вас, луѓето надвор од компанијата можеби не го очекуваат за BALFIN Group?

Мислам дека однадвор не секогаш е видливо колку компанијата е динамична и колку се инвестира во развој. Постојано има нови иницијативи и можности, што ја прави работната средина многу поактивна отколку што можеби изгледа на прв поглед.

Според вашето искуство, што ја прави BALFIN средина во која луѓето навистина можат да растат?

Можноста да се докажеш и да напредуваш. Јас сум пример дека ако покажеш иницијатива и посветеност, можеш да се движиш низ различни позиции и да се развиваш. Тоа не е само теорија – тоа е реална можност.

Што ве инспирира да продолжите да ја градите својата кариера токму тука?

Ме инспирира фактот што постои простор за понатамошен развој и напредок. Сакам да продолжам да учам, да придонесувам повеќе и да се движам кон лидерска позиција каде што ќе можам да имам влијание и да ги поддржувам другите.

🔹 „Годините труд, посветеност и желба за развој навистина носат резултати.“