„ЗАЕДНО haPPy“ 🥳🥳- доделување на јубилејни награди✨✨
June 2024
June 2024
На 14.06.2024 година, Нептун им оддаде признание на своите долгогодишни вработени. Во прекрасната атмосфера на винаријата Лазар, им оддадовме признание на 23 вработени кои со својата лојалност и посветеност обележаа 10, 15 и 20 години работа во нашата компанија.
Во Нептун Македонија, лојалноста не е само збор, туку начин на функционирање. Таа е вредноста која ги поврзува нашите вработени со визијата на компанијата, и е причината зошто нашите клиенти ни веруваат декада по декада. Како компанија, ние сме посветени на создавање на средина каде што лојалноста се наградува и се цени. Ние веруваме дека лојалноста е двонасочна улица - колку што ние сме лојални кон нашите вработени, толку и тие се лојални кон нас.
Огромно е задоволството да се види напредокот и постигнувањата на овие вработени низ годините. Нивната посветеност, лојалност, професионализам и ентузијазам се вредности кои го прават нашиот тим посилен и успешен. Им благодариме за нивниот придонес и им посакуваме уште многу години на соработка и раст.
Со гордост споделуваме искуства на дел од колегите кои прославија јубилеј:
„15 години работа во најуспешната компанија за трговија со електронски апарати и една од најуспешните компании воопшто во Македонија многу брзо поминуваат. Времето брзо поминува доколку сте во динамична средина со позитивни импликации и континуирани промени во позитивна насока како во Нептун Македонија.
Доколку си ја сакате работата и се чувствувате среќни заради резултатите кои ги постигнувате, многу лесно и брзо ќе ви поминува времето и ќе креирате уште попозитивни резултати, а со тоа ќе се чуствувате уште посреќно.“
Гоце Настески
Регионален менаџер за малопродажба
15 години
__________________________________________________
„Од моето доаѓање па до денес има многу позитивни промени во начинот на работењето на самата фирма, нејзината експанзија и нејзиниот напредок. За да се опстанe во една ваква компанија потребна е сериозна посветеност кон работата, да ја сакаш самата работа и секако да бидеш задоволен од односот на фирмата кон тебе.
На новите вработени би им советувал да ја сакаат и почитуваат работата што ја работат, секојдневно да соработуваат со тимот и да бидат трпеливи.“
Никола Зарески
Референт за продажба, Нептун Прилеп
15 години
___________________________________________________
„Прекрасно е чувството да си дел од една успешна екипа цели 10 години. Мојата приказна е испреплетена со големи предизвици и можности на лично и професионално унапредување. Имав можност да го следам растот на компанијата од година во година. Одличната соработка со колегите и претпоставените се клучот за долготрајна кариера.“
Ќенан Туша,
Администратор во магацин
10 години
______________________________________________
„Горда сум на овој 10-годишен јубилеј, а истовремено и две децении работен стаж.
Патот до овој јубилеј беше одбележан со победи, вложување во сопственото знаење, но и со голем број на предизвици, кои секој ден ме прават сѐ подобра.
Секој од нас треба да ги следи своите соништа и да се стреми да не застане и остане на исто ниво, туку со континуирана едукација да растеме, да придонесуваме и да се менуваме кон подобро. Нептун е реномирана компанија која нуди перспектива и голем број отворени можности за развој на секој вработен.“
Мери Костадинова
Раководител на сметководство
10 години
____________________________________________________
Им го честитаме јубилејот на сите и им посакуваме уште многу успешни години заедно!
