Најдобри вработени во малопродажба за Q2 2026

За второто тромесечие од 2026 ги издвојуваме тројцата најуспешни колеги во малопродажба. Нивната посветеност, професионален однос и резултати се пример за сите и придонесуваат за силна тимска култура.

Игор Маркоски – Нептун Охрид

Работно место: Референт за продажба

Поседува одлично познавање на работата кое несебично го пренесува на останатите вработени; задачите ги извршува квалитетно и навремено, континуирано давајќи предлози за подобрување на работните процеси; со својата самоиницијативност се грижи за работната околина и ги мотивира колегите; целосно е посветен на клиентите, темелно ги испитува нивните потреби и ги насочува кон најсоодветните решенија; ефикасно применува различни методи и го користи своето искуство за брзо и успешно решавање на тековните проблеми.

Жаклина Цветковска – Нептун Аеродром

Работно место: Референт за продажба

Има одлично познавање на процедурите и задачите ги извршува навремено и доследно; со изразена проактивност самостојно го одржува својот реон беспрекорно уреден и се залага за унапредување на работата во салонот; преку поставување кратки и прецизни прашања вешто ги открива потребите на клиентите, што и овозможува високо ниво на презентација и лесно затворање на продажбата; дава јасни насоки за користење на производите, оставајќи позитивен впечаток; самостојно презема одговорност при решавање на проблемите и вешто се справува со сите приговори, претставувајќи одличен пример за соработка во тимот.

Спасе Терзиев – Нептун Струмица

Работно место: Референт за продажба

Со својот позитивен однос, иницијативност и внимание кон деталите остава одличен впечаток кај клиентите и колегите; покажува високо ниво на подготвеност во продажниот процес, ефикасно водејќи ги купувачите до најдобрите решенија; одлично се справува со сите приговори и нуди соодветни решенија за секој проблем; секогаш комуницира со голема почит и разбирање, претставувајќи вистински личен пример за тоа како професионално треба да се пристапи кон работата.

Им честитаме на колегите и им посакуваме уште многу успеси!