Најдобри вработени во малопродажба за Q3 2025

За третото тромесечие од 2025 ги издвојуваме тројцата најуспешни колеги во малопродажба. Нивната посветеност, професионален однос и резултати се пример за сите и придонесуваат за силна тимска култура.

Ивица Димитриески – Нептун Тетово

Работно место: Одговорен на смена

Се истакнува со темелно познавање на задачи и процедури и проактивно идентификува можности за подобрување; задачите ги извршува квалитетно и навремено, со изразена самоиницијативност и преземање нови предизвици; одржува беспрекорна лична презентација и работна средина и ефективно ги користи ресурсите; комуницира јасно со клиенти, колеги и претпоставени, градејќи позитивна вербална и невербална комуникација; вешто поставува прашања за да ги открие потребите на клиентите, препорачува соодветни решенија и сигурно ја потврдува продажбата; смирено управува со предизвикувачки ситуации и гради трајна лојалност и повторни купувања.

Катерина Ѓоргиевска – Нептун Битола 2

Работно место: Референт за продажба

Покажува одлично познавање на процесите и сите аспекти на работењето; задачите ги реализира самостојно, квалитетно и навремено, поставувајќи личен пример за тимот; одржува чиста и уредна работна средина и постојано се надградува; ги следи чекорите на продажба, води јасни и продуктивни разговори и им помага на клиентите да го добијат токму она по што дошле; клиентите се враќаат и често ја бараат исклучиво неа поради професионалната презентација, внимателниот однос и ефикасното решавање на барањата; добива конзистентно позитивен фидбек и значајно придонесува за тимската атмосфера.

Јулијана Величковска – Нептун Карпош

Работно место: Референт за наплата и кредитирање

Поседува одлично познавање на работата и редовно предлага практични подобрувања за побрзи и поефикасни процеси; покажува самоиницијатива, ги надминува очекувањата и со задоволство прифаќа нови предизвици; одличен тимски играч — секогаш подготвена да помогне и да мотивира; касата и работниот простор ѝ се секогаш средени, обезбедувајќи пријатно искуство и позитивна атмосфера; комуникацијата ѝ е јасна и прецизна, внимателно ги идентификува потребите на клиентите и професионално ги презентира услугите со јасно истакнати бенефити; со смиреност се справува со секоја ситуација и внесува доверба, темелно проверувајќи ги проблемите за да избере соодветно решение.

Им честитаме на колегите и им посакуваме уште многу успеси!